Daily Love: 43. ຫາກິນ

Poet Xaysouvanh Phenphong at Newport Pacific Beach, Oregon, USA, in May 2019

ສະບາຍດີທ່ານຜູ້ອ່ານທີ່ຮັກແພງ

ຂໍຂອບໃຈຫລາຍໆທີ່ຕິດຕາມຜົນງານ-ໃຫ້ກໍາລັງໃຈ

ມາຕລອດ. ການໂຮມອ໋ອນລາຍຊຸດນີ້ເປັນຊຸດທີ 9

ເທື່ອນີ້ມີການສລັບຊື່ລະຫວ່າງ"ໂຮມອ໋ອນລາຍ 9"

ແລະ"ໂຮມເປັນປຶ້ມເຈັ້ຽຊຸດທີ 5" ຊຶ່ງທ່ານໄດ້ເຫັນ

ແລ້ວວ່າ ອ໋ອນລາຍຊື່ວ່າ "ຮັກຊູ່ມື້" ແລະປຶ້ມຫົວ

ທີ 5 ຈຶ່ງຈະແມ່ນ "ໃບໄມ້ໃນສາຍລົມ". ເນື້ອໃນຈະ

ມີອັນແຕກຕ່າງກັນບາງດ້ານ ຍ້ອນວ່າຫົວທີ 5

"ໃບໄມ້ໃນສາຍລົມ"ນັ້ນ ຈະເລືອກເຟັ້ນເອົາຈາກ

ສ່ວນທ້າຍຂອງ"ຊີວິດໃຕ້ໃບໂພ"ປະມານ20 ບົດ

ແລະກໍຈະເອົາບົດຈາກຊຸດນີ້ທັງໝົດ.

ຊີວິດນັກກະວີກໍແມ່ນການປະດິດແຕ່ງບົດກະວີ

ເລີ່ມຕົ້ນແມ່ນແຕ່ງດ້ວຍໃຈມັກ ເຮັດມາເລື້ອຍໆ

ຈົນກາຍເປັນພາລະກິດປະຈໍາຊີວິດ ໂດຍບໍ່ມີມື້

ຈະບໍານານ. ບໍ່ພຽງແຕ່ຈາກພອນສວັນຕົນເອງ

ຈາກການຮູ້ສັງເກດສະພາບແວດລ້ອມຈົນເກີດ

ອາຣົມຈິດແລະມະໂນພາບທໍ່ນັ້ນ ແຕ່ເມື່ອທາງ

ສໍານັກກະວີໃນສະຫະຣັດອະເມຣິກາຍົກຍ້ອງມອບ

-ກຽດໃຫ້ໄດ້ຮັບ "ຫລຽນຄໍາກະວີນິພົນຍອດຢ້ຽມ"

ແລະ "ຫລຽນການັກກະວີຜູ້ຍິ່ງໃຫຍ່ທົ່ວອະເມຣິກາ"

(Poetry Gold Medal of Excellence and

Great Poets Across America - Award

Winning Poet) 2013

ແລ້ວການເດີນທາງຕໍ່ໃນອຸທິຍານກະວີຈຶ່ງບໍ່ອາດ

ຈະຢຸດຢູ່ເຄິ່ງທາງ.

ເຄີຍໄດ້ບັນທຶກເປັນຄໍາກອນກ່ອນໜ້າມື້ຮັບຫລຽນ

ຄໍາວ່າ:

"ທ່ານຜູ້ມີສີແຕ້ມ ກະວີຫວານກວາມໂລກ

ຮຽມຂໍມາຊ່ອຍສ້າງ ເວີງກວ້າງໂລກກະວີ ນໍາຖ້ອນ"

ຫລຽນຈຶ່ງເປັນສິ່ງເຕືອນໃຈໃຫ້ໃຊ້ພອນສວັນສ້າງສັນ

ກະວີສິນຝາກໄວ້ໃນໂລກມະນຸດ.

ເຖິງເປັນ"ນັກກະວີສອງພາສາ" ແຕ່ກໍາລັງໃຈສ່ວນ

ໃຫຍ່ກໍແມ່ນໄດ້ຮັບຈາກພີ່ນ້ອງເຊື້ອສາຍລາວລ້ານ-

ຊ້າງທີ່ກະແຈກກະຈາຍກັນຢູ່ທົ່ວທຸກມຸມໂລກ!

ຂໍຈົ່ງຢູ່ດີມີແຮງຊູ່ຄົນດ້ວຍເຖີ້ນ!

ວັນອາທິດ 28 ກໍຣະກະດາ 2019